احـــلي بنـــــات
*( الســـــــــلام عليكــــــــــم ورحمـــــــة الله وبركاتــــــة)*

*( ازيـــــــك يا احلــــــي بنوتـــــــــــــــة )*

*( نورتــــي منتــــدي احلــي بنــــات)*

*(مستنين احلــــي مشاركاتـك)*

انضم إلى المنتدى ، فالأمر سريع وسهل

احـــلي بنـــــات
*( الســـــــــلام عليكــــــــــم ورحمـــــــة الله وبركاتــــــة)*

*( ازيـــــــك يا احلــــــي بنوتـــــــــــــــة )*

*( نورتــــي منتــــدي احلــي بنــــات)*

*(مستنين احلــــي مشاركاتـك)*
احـــلي بنـــــات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

♥جمالك ونظافتك بين ايديكى لكل بنت داخلة الجامعة او نازلة الشغل او حتى ست بيت ♥مع بيسو

2 مشترك

اذهب الى الأسفل

♥جمالك ونظافتك بين ايديكى لكل بنت داخلة الجامعة او نازلة الشغل او حتى ست بيت ♥مع بيسو  Empty ♥جمالك ونظافتك بين ايديكى لكل بنت داخلة الجامعة او نازلة الشغل او حتى ست بيت ♥مع بيسو

مُساهمة من طرف beso الأحد سبتمبر 02, 2012 7:17 pm


(( اولا البشرة والعناية بيها ))


1/ نهتم بتنظيف بشرتنا كل شوية مش شرط تغسليها بالغسول كل شوية يكفى اول ما تصحى واول ماترجعى من برة وقبل النوم لان الحر والعرق ده بيعمل حبوب كتير اوى انا اصلا مرة خرجت فالشمس والله مكان نظارة الشمس طلعلى حبايتين غتتين كبار بقالهم اسبوع ولسه ليهم اثر

2/ استعملى غسول مناسب لبشرتك بمعنى
لو بشرتك دهنية استعملى غسول بيقلل اللمعان وبيشيل الدهون
ولو بشرتك حساسة دورى على غسول ملمسه ناعم وابعدى خالص عن اى حاجة بتتحكم فى اللمعان او مقشرة للوجه
ولو بشرتك جافة دورى على غسول مرطب للوجه

3/ للبنات صاحبات البشرة الدهنية ارجوكى وابوس ايديكى لو عندك حباية ابعدى عنها وسيبيها فحالها واوعدك هى كمان حتسيبك فى حالك يعنى ولا تقولى افرقعها ولا افضيها عشان العيد لا عارفة حيحصل ايه هى اه حتفضى بس حتعمل بقعة كبيرة ومش حتروح ولا كمان اسبوعين

4/ نهتم بازالة شعر الوجه سواء بترتاحى فالفتلة او بماكينة او واكس والاهم تحطى كريم زى بانثينول بعدها على طول عشان تهدى وشك ولان ازالة شعر الوجه بتخليه ناعم وبيبان افتح

5/ نهتم بترطيب الوجه يوميا بالاخص قبل النوم باستعمال كريم ليلى من اللى يغذوا البشرة

6/ماسك لتفتيح الوجه وحتلاحظى النتيجة من اول مرة وانا كتبت عنه قبل كده والحمدلله بنات كتير شكروا فيه
وده الرابط لو عايزة تعرفى معلومات مهمة تتعمل قبل الماسك وبعده

[ندعوك للتسجيل في المنتدى أو التعريف بنفسك لمعاينة هذا الرابط]

اسمه ♥ ماسك تفتيح وتنعيم وشد وانعاش البشرة ♥ وكل مكوناته من البيت




بيتعمل ممكن 3 مرات اسبوعيا مش اكتر من كده وممكن اقل طبعا

(( معلقة لبن بودرة + معلقة دقيق + كبسولة قيتامين e + معلقة مية ورد + معلقة زبادى ))

بيتساب نص ساعة على وشك ويتغسل بمية دافية


7/ صنفرة الوجه
عندك كل الانواع
الطبيعى المتداول (( سكر + زيت زيتون ))
منتجات جاهزة (( زى سكراب قروتينى او اصالة ))
او الصنفرة بتاعتى اللى هى
[ندعوك للتسجيل في المنتدى أو التعريف بنفسك لمعاينة هذا الرابط]


ملخصها

باكت شاى اخضر + معلقة لبن بودرة + جلسرين


حنخلط المكونات مع بعض وحتحطيها على وشك هو حيبقى صعب شوية بس حاولى وياريت لو تحطيه وتسترخى وتنامى على ظهرك لان الجلسرين بيسيح شوية وحتلاقيه بيقع من وشك فياريت تريحى ظهرك وتسيبيه كماسك لمدة ربع ساعة بس عشان تسفتيدى من اللبن والشاى الاخضر والجلسرين

حتبدأى تفركى وشك حتة حتة جامد حيبقى خشن شوية بس مش مؤذى ولما يطلع فى ايدك اغسليها وبليها واعملى تانى وهكذا يعنى كل شوية تغسلى ايدك من الماسك وبليها مش تاخدى فيها مية وتدعكى وشك فى حركات دائرية وبعدين اغسلى وشك


8/ حمام البخار

بيتعمل عامة مرة اسبوعيا اما جهاز بخار وده يتباع فالمحلات عادى تمنه من 70 ل 120 جنيه
او بتجيبى حلة فيها مية واى اعشاب تحبيها شاى اخضر او نعناع او ليمون وتسيبيهم يغلوا وتحطى فوطة على راسك وتتعرضى وشك للبخار لمدة 10 دقايق وبعدين تمسحى قطنة وكمان 10 دقايق قدام البخار

كده خلصنا البشرة الحمدلله ولو عندك اى سؤال حطيه يمكن اكون نسيت حاجة



(( ثانيا العيون والهالات ))



1/ لازم يابنات نهتم اوى اوى بتنظيف العين يعنى لو حطيتى ميك اب لازم تمسحيه كويس جدا سواء مزيل ميك اب او بزيت زيتون او قطنة وفيها كريم بشرة

2/ لازم ترطيب المنطقة المحيطة بالعين عشان تقللى التجاعيد وكمان تغذى المنطقة دى اما تشترى كريم مرطب للمنطقة حول العين وده متوفر فى كل الماركات الطبية او حتى اوريفليم او ابسط شئ استعملى الكريم المرطب بتاعك حطى نقطة صغيرة ووزعيها حول العين مرة الصبح ومرة بليل

3/ لو عندك هالات اهتمى يوميا شرايح الخيار او البطاطس على طول على الاقل نص ساعة يوميا دى بجد افضل حاجة
او استعملى كريم طبى يوصفهولك الدكتور يعالج الهالات ويقللها

4/ بالنسبة للناس اللى الهالات عندها نتيجة الاهمال يبقى تقلل السهر تنام كويس وتهتم بتغذيتها والمية يابنات اهم حاجة للبشرة وللجسن وللشعر والهالات وكل حاجة

5/ الرموش بلاش تستعملى زيت الخروع اثبتت اخر الدراسات بما انه ملين انه بيعمل لين لعضلات العين وممكن يسبب حول كفى الله الشر فرموشك بلاش تلعبى فيها بس حافظى عليها وهاتى ماسكرا طبية زى مافلا او اى حاجة تكون طبية حيكون افضل كتير

6/ياريت متدعكيش فى عنيكى مهما كان وانتى برة خاصة لو فيها ميك اب ليه بقى عشان اكيد ايديكى ملوثة وانتى برة فمتدخليهاش فى عنيكى



((ثالثا ايدك واظافرك ))



1/ ملمس ايدك ونعومتها ونظافتها اول دليل انك انسانة رقيقة وجميلة ومتهمة بنفسك اكيد يعنى مش حتكونى كده وايدك مثلا مشعرة او خشنة او ظوافرك مش نظيفة

2/ اهتمى بترطيب ايدك كويس يبقى معاكى كريم للعناية باليدين فى شنطتك بعد كل ماتغسلى ايدك تحطى منه

3/ الايد من اول الحاجات اللى بيبان فيها الشعر فلازم تهتمى بازالته وكمان بالذات بقى الشعر اللى فى الصوابع ده حيخلى شكلك ناعم اوى

4/ الاظاافر اللى يخليكى يعنى نصيحتى ليكى بلاش التطويل الاوفر ده لانك لازم تعرفى ان كل ظفر عايش فيه شيطان ولو حاة تطولى يبقى حاجة سيطة

5/ واللى تطول ظوافرها يبقى لازم تهتم ببردهم دايما وتسويتهم ونظافتهم اهم حاجة

6/ تغسلى ايدك بعد ماتاكلى برة ولماتدخلى الحمام افتكروا حسام بتاع فيلم الف مبروك ههههههههه تغسلى ايدك بعد اى حاجة ممكن توسخها او تراب اواكل ولو معرفتيش تغسليها يبقى برضه معاكى دايما مندايل وايبس او جيل معقم للايدين ضرورى يبقوا معاكى

7/ لو قى ميفرقش معاكى حق وجدعة جد حتلبسى جوانتى وانتى خارجة عارفة ليه مش من حيث التدين لا من حيث ان ايدك متسمرش لان الشمس بتعمل بلاوى

8/ صنفرة كل يومين لايدك عشان تفضل على طول ناعمة والسمار يروح منها وهى سهلة خالص تحطى فى ايدك ليمون وسكر وافضل ادعكى قى على قد ماتقدرى



(( رابعا القدمين))



1/ ابوس ايدكم ياجماعة عشان حالات الاغماء زادت اوى الفترة اللى فاتت فالمدرجات ووسائل المواصلات تغسلى رجلك المية والصابون قبل ماتنزلى واول ماتروحى لان الواحد بيفضل برة البيت كتير فالشمس لحد ما بيتعفن انا عارفة ههههههههه ودى حاجة بسيطة وانتى تتوضى كده اعمليها بالصابون

2/ نصيحة عارفة ان محدش حيسمعها غير الناس العاقلة البالرينا يابنات دى بتوسخ الرجل اوى خاصة لو لابسة جيبة تلاقيها خدت التراب من الارض وحطته على رجلك وتيجى تقلعيها تلاقى نفسك كانك كنتى ماشية حافية فتجنبوها بليز او على الاقل البسى شراب تقيل وغير لتراب كمان الرجل بتسمر وبيقى شكلها وحش اوى لما تقلعى البالرينا

3/ لما تبقى فى موعد الشاور الاسبوعى مش اليومى يعنى الشاور الجامد اللى بناخده ده نعتنى برجلينا قى شوية تجيبى جيل منعش للرجلين و تعملى تقشير للجلد الميت ومية سخنة وتدلعيها والله الست تستاهل ماهى مستحملانا طول عمرنا

4/ ظوافر رجلك برضه تتقص من وقت للتانى وتهتمى نظافتها لاننا مش ناخد بالنا منها كتير ولو تحطى اكلادور عليها يبقى تهتمى تشيليه كمان مش تسيبيه لحد ما يقع لوحده



((خامسا لبسك وستايلك ))



دى نقط بسيطة بس عشان الواحد يبقى خلص ضميره من ناحيتكم

1/ كل واحدة عاقلة عارفة الحلال من الحرام يعنى عارفة اللبس الضيق اخرته ايه وجزاؤه ايه واللبس المعتدل مزاياه ايه فمش حكلمكم فى حوار اللبس وحكتفى بالدعاء الهداية والستر لكل البنات

2/اهتمى بنظافة هدومك متكونش متسخة او مكرمشة عارفة حتى لو بتلبسى طقم واحد طول السنة تقدرى تظهرى بيه دايما شيك بنظافته اللى فى الاخر تدل على نظافتك انتى

3/خليكى متناسقة فى لبسك وبلاش الانجراف ورا الموضة ده لحسن يوم ماطلعت البنطلونات الملونة موضة الواحد اتحول من الالوان اللى يشوفها فالكلية فخليكى عارفة ايه اللى مناسب ليكى ولسنك ولجسمك

4/ الحجاب بتاعك لو محجبة يبقى منسق مش منتش من الدبابيس ولا مكسر تهتمى بكويه برضه ويتغسل دايما بالشاور بلاش تحطيه فالغسالة وكمان عشان تفضل ريحته حلوة دايما وبلاش الكحكة اللى على طول عملاها دى هاتى دبوس مشك ولفى شعرك براحة مش جامد وحطيه وابقى طولى الحجاب حبة ياحاجة

5/ لو مش محجبة يقى شعرك افضل حاجة تلميه لاش تخليه سايب مش تلميه يعنى كحكة لا لميه من الجنا توكة شيك او دايس رقيقة واهتمى قى باستعمال شامبو مناس لشعرك ولو عندك قشرة لازم تعالجيها ولو فى حشرات لازم تفضى عليها اولا عشان محدش يتكلم عليكى وثانيا عشان الحاجات دى معدية

((سادسا الميك اب ))



1/ للى نازلة الجامعة او رايحة الشغل مفيش داعى تحطى ميك اب اصلا بس لو عايزة خليكى رقيقة جدا جدا واختارى الوان هادية وابعدوا عن السموكى والكحل التقيل والروج الغامق الله يخليكم

2/اوعى اوعى اوعى 3 اوعى اهو اوعى تنزلى من غير صن بلوك وهاتى نوع كويس عندك بيوديرما عندك يوفى بلوك وفيهم كمان بالفاونديشن يعنى مالكيش حجة متنزليش من غيره والا حتعالجى فى وشك كتير ساعات الشمس تقفى فيها فى وقت تكون هى مباشرة وفوشك وفى دقيقتين بالظبط بشرتك تتحرق والله العظيم انا حصل معايا كده وفضلت اتعالج شهور

3/ او لما تروحى تغسلى وشك كويس وتشيلى الميك اب زى ماقلنا عشان اضراره كتير والله وبالاخص ميك اب البشرة والعيون تهتمى انك تنضفيهم كويس



((سابعا اهم حاجة رائحة العرق))



1/ طبعا المنتدى كله بيتكلم فالموضوع ده وخاصة فى ظل درجة الحرارة ال 37 والزحمة اللى احنا فيها انا ساعات اركب ميكروباص واشم ريحة عرق واحد مش قاعد جنبى فى ناس تعرق كتير وفى ناس مش تهتم فانتى اعملى اللى عليكى واهتمى

2/ اول حاجة ضرورى ازالة الشعر من المنطقة دى لان ده اللى يزود الرائحة والفطريات والعرق فبليز لازم تشيليه باى وسيلة وكمان يبسمر المنطقة دى اكتر

3/ البسى قطنيات على قد ماتقدرى عشان اولا بتشرب العرق وثانيا بتقلل الاحتكاك مما يؤدى الى تقليل الاسمرار

4/ الصبح وقبل ماتنزلى واول ماترجعى تغسليها كويس اوى وبالشاور وتحطى مزيل العرق بتاعك

5/ استعملى مزيل عرق ريحته هادية وميكونش بيبيقع الهدوم وبلاش مانع التعرق ده غلط على البشرة هاتى يزيل الرائحة بس

6/ تبييض المنطقة تحت الابطين معتمدة اساسا على نظافتهم وثانيا على الماسكات زى الليمون وكمان الزيت العطرى بنات كتير شكرت فيه لانه يقلل الاحتكاك كمان



((ثامنا الجسم ))



1/ هى اهم حاجة انك تاخدى شاور مرتين يوميا حسب نزولك وعرقك يعنى قبل النزول واول ماترجعى ولو نزلتى تانى تاخدى لما ترجعى مهم اوى يابنات والله اولا مفيش ريحة عرق ثانيا يخليكى تستحملى درجات الحرارة والله لما شعرك يبقى مبلول كده حيدى طراوة هههههههههههههه

2/كل اسبوع ليكى شاور ملكى خاص تعملى فيه حمام مغربى وندعك بضمير ههههههههه ونعمل ماسكات وحمام كريم وكل حاجة صدقينى حتلاقى فرق جامد اوى فى حياتك وجمالك

3/ازالة الشعر مهمة اوى اوعى حد يقولك انتى لسه صغيرة او الحاجات دى عيب لا ياحبيبتى النظافة مش عيب واستعملى اى وسيلة تريحك المهم تشيليه وتخلصى منه

4/ نعومة جسمك حاجة جميلة اوى هاتى مرطب زى فازلين الكاكاو مثلا وزيت جونسون ترطى جسمك عند كل شاور عشان نفضلى ناعمة على طول



((تاسعا المنطقة الحساسة))



1/ احنا خلاص اتفقنا على ازالة الشعر مهما كان الالم بس مرة فمرة حتتعودى

2/ تلبسى اندرات قطن بصوا انا فضلت قالبة الدنيا عشان الاقى اندرات قطن مية فالمية وكنت كل مرة اجى اشترى النت تقولى ده قطن ولما اروح ابص فالتكت اللى بيبقى جواه الاقى مكتوب الياف صناعية لحد مااخيرا لقيته قطن 100% وهى ماركة لاسو هى غالية اه بس مش احسن من الالتهابات والحساسية والكلام ده وهو باكت فيه 2 اندر ب28 جنيه ممكن كل شهر او شهرين تجيبى باكيت لحد مايبقى عندك عدد كويس وكمان الاندرات يتغير يوميا مرتين او تلاتة

3/ دلوقتى فى فوط يومية دى بتحطيها وانتى نازلة عشان اى افرازات او اى حاجة متبهدلش الاندر بتاعك ولا يحصلك حساسية منها وعندك ماركات كتير كل الماركات نزلت لو روحتى اى صيدلية كير او كارفور او فتح الله او مترو حتلاقى كتير

4/التنشيف يابنات بعد كل مرةتدخلى التواليت تخلى معاكى فوط صغنتوتة قطن وناعمة تكون خاصة بيكى تنشفى كويس وفى اخر اليوم تغسليها واوعى تستعملى المناديل مشاكلها كتير

5/ وانتى برة البيت ادخلى التواليت النظيف بس اوعى تدخلى تواليت مش نظيف واشترى الكفرات بتاعت التواليت دلوقتى بتتباع فالصيدليات بتقى كيس بلاستيك تحطيه على التواليت عشا لو فيه اى جراثيم متجلكيش

6/ غسول المنطقة الحساسة هاتى سيتال او اوريفليم تتشطفى بيه مع كل وضوء او على الاقل فى كل شاور ده حيقضى على اى جراثيم والله انتى لو اتبعتى الخطوات دى حتلاقى الحساسية والتسلخات قلت كتير

7/تلبسى شورتات قطن تحت الهدوم عشان تمنعى اى احتكاك ولو حصلك اى تسلخات استعملى بودرة تلك على طول

اممممممممممم



((عاشرا واخيرا))



انا كده خلصت انا اديتكم كل تجاربى اللى تخليكى بنوتة نظيفة وجميلة ومرتبة وشيك والكل يحلف بيكى وبجمالك
اتمنى اكون افدتكم ولو بمعلومة بسيطة

الدعوة والتقييم علشان التثبيت يا قمر
مع تحياتي بيو

beso
مشرفة احلي بنات
مشرفة احلي بنات

الحالة الاجتماعية : انسة متفوقة
عدد الرسائل : 42
العمر : 23
الدولة : مصر
الشكر : 1
تاريخ التسجيل : 29/08/2012

الرجوع الى أعلى الصفحة اذهب الى الأسفل

♥جمالك ونظافتك بين ايديكى لكل بنت داخلة الجامعة او نازلة الشغل او حتى ست بيت ♥مع بيسو  Empty رد: ♥جمالك ونظافتك بين ايديكى لكل بنت داخلة الجامعة او نازلة الشغل او حتى ست بيت ♥مع بيسو

مُساهمة من طرف bosy الإثنين سبتمبر 03, 2012 10:07 am

يسلمووووو
bosy
bosy
مشرفة احلي بنات
مشرفة احلي بنات

عدد الرسائل : 435
العمر : 29
الدولة : egypt
الشكر : 2
تاريخ التسجيل : 29/08/2012

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى