ريجيم ال30 كيلو تعالي ومش هتندمي

صى بقي اولا لازم تحطى في بالك ان السمنة دى مرض ولازم تحاربي المرض وتقاومية عشان تخسى بصي هاقولك علي نظام اكل هايخليك تخسي علي مدار طويل بس مش طويل قوى انتى هاتحسى بالخسسان الفظيع اول 3 شهور وكلة هايلاحظ عليكى دة وبعدين هاتخسي بس بمعدل اقل لاننا هاناكل ساعتها عادى جدا بس هانظم اكلنا عادى وهايكون هو دة نظام اكلك طول حياتكاولا نظام الرجيم بتاع ال3 شهور الاولى ووالله بيشبع وحلو خالص
اولا :الافطار
بصي فيه حاجة اسمها توست او بقسماط سن ولو مش بتحبيه يبقي كلي مكان البقسمطتين نص رغيف بلدى الفطار هايكون كالاتى :بقسمطتين سن وعليهم جبنة او نستو او بيضة وتاكلي معاه خيار او طماطم براحتك وكلى بقدونس زى الجرجير هايخسسك البقدونس خالص وخصوصا لو كلتية مع كل وجبة طبعا هاتقولولى طعمة وحش لوحدة بس جربية هاتلاقي طعمة حلو كانة جرجيروهاتتعودى عليه وممكن كمان تشربي شاي او نسكافية بملعقة سكر اومن غير حسب مقدرتك
ثانيا:الغدا
طبق الخضار ومش هاقولك سوتية ولا حاجة لانى مابحبهوش وبيكرهك في الرجيم خدى عادى طبق صغير اي نوع بس بلاش تكتري من النشويات ومع الطبق كلي حتة لحمة خالية من الدهون او ربع فرخة منزوعة الجلد وطبعا السلاطةباي كمية ومتنسيش البقدونس زى ماقلنا.
ثالثا :العشا
ممكن تاكلى فاكهة اى صنف ماعدا المانجا والتين والبلح والعنب لغاية ماتشبعي ولو مالكيش في الفاكهة يبقي كلى بقساطة سن مع اي نوع جبن او بيض مع كوباية شاي بلبن او اي مشروب بدون سكر
ملحوظات:
اولا:لو جعتى في النص كلي خار او فاكهة خفيفة زى الجوافة او البرتقال او التفاح والتفاح عل فكرة حلو جدا للرجيم وبيخسس مع اكلة ولازم لازم تلعبي شوية رياضة او حتى ياستى ارقصي شوية اهو تحركى جسمك وممكن تمشي لمدة نص ساعة علي الاقل لو قدرتى كل يوم وعلي فكرة لازم تتجنبي البلوة الكبيرة وهى الحلوياااات حتى ال3 شهور الاولي بس وهاتشوفي والله هاتخسي قد ايه
ثانيا:بعد اسبوعين من الرجيم لازم تعملي يوم حر تاكلي فيه اي حاجة ان شاء الله حتى 3 الاف سعر باي كمية عشان جسمك يتعود علي السعرات العالية وبعدين لما ترجعى للرجيم تانى يسحب من الدهون اللي في جسمك فكلي وماتخافيش وبعد ماتستمري علي الرجيم خليها كل اسبوع وان شاء الله هاتخسي جامد بس اصبري وخلي عندك عزيمة وارادة وانتى هاتشوفي وبعد ماتحسي انك خسيتى كمية كويسة ثبتى نفسك ساعتها وكلي كل حاجة بس بحساب وكميات قليلة عشان ماتحرميش نفسك وترجعى تانى وانتى برضة بكدة هاتخسي بس علي معدل اقل بس مش مشكلة الخسسان اللي بعد دة مجرد تظبيط اهم حاجة ان جسمك يبقي معقول الاول وبعدين ندور علي الرشاقة وشكرا واللي جربة او ناوي يجربة يقولى ايه الاخبار وايه رايكوا في الرجيم دة ولو فيه استفسار انا تحت امركوااااااااا