أكلتى بشرتك ايه انهردة؟ انا أكلتها ******

السلام عليكم يا احلي بنوتات

انا هتكلم عن بشرتك الغلبانه اللى مجوعاها وعمرك ما فكرتى تأكليها

وترجعى تزعلى وتشتكى ليه بهتانه ليه فيها حبوب ليه عندى هالات ليه عندى جفاف

ارجوكى زى ما بتفتكرى تفطرى وتتغدى وتتعشى تسألى فى الغلبانه بشرتك وتأكليها

بشرتك عايزة 4 فيتاميناتبس وبكميه نونو خالص

محتاجه فيتامين E لانه مضاد للاكسده يعنى بيحارب الfree radicals اللى هى بالبلدى بتخلينا نعجز وكمان لانه مرطب قوى

محتاجه فيتامين A عشان يجدد الخلايا بسرعه وتطلع خلايا جديده

محتاجه فيتامين C لانه مضاد اكسده

هالات عيونك محتاجه فيتامين K عشان يعالج الهالات السوداء

طبعا الفيتامينات دى متوفرة فى الصيدليه وبسعر رخيص لكن لو فكرتى تجبيهم كلهم ابقى سلميلى بئة على كليتك وكبدك

كان عندنا دكتور فى سنه تانيه قالنا كلمه لغاية دلوقتى معلقه معايا
قالنا الفيتامينات تخليك تعيش كويس اوى نص عمرك !! وتضيع نصه التانى

وعشان كدا المفروض مش تستعمل غير علاج فقط ولمدة معينه

لكن انا هكلمك عن حاجة تعمليها طول حياتك بدون اى اضرار




فيتامين E انتى محتاجه كل يوم 10 جرام هتلاقيهم فين!! مش هتلاقيهم غير فى اللوز



هتلاقى فى كل 100 جرام لوز 25 جرام فيتامين E

يبقى ال100 جرام لوز يكفيكى = يومين ونص

لو حسبتيها هتلاقيه ارخص من لو جبتى الكبسولات بتاعة الفيتامين

هتقوليلى هنسى هقتلك دى تسالى يعنى وانتى قاعده على فتكات تخلصيهم ومفيش دلع اكتر من كدا


فيتامين A محتاجه منهIU 8000 هتلاقيه فى حاجات كتير اشهرهم الجزر وهقولك ليه اخترته




الجزرة الصغيرة= 2000
يبقى انتى محتاجه فى اليوم 4 جزرات صغيره او 2 كبار

تاكليهم امتى ..لو انتى قلبوظة وعايزة تخسى يبقى من حظك ..تاكلى الجزر بتاعك قبل الغدا على طول او فى وسطه هيملى بطنك وهيخسسك

لو انتى رفيعه زيى تاكليه فى وسط اليوم


فيتامين C محتاجه فى اليومmg 70 البرتقاله المتوسطه الواحده فيها 70 يبقى محتاجه كام واحده فى اليوم ؟؟؟

ايوة شطوووووورة واحده بس



ودى تاكليها مع الفطار بتاعك

فيتامين K محتاجه فى اليوم mcg60 الكيوى الواحده المتوسطه فيها 30 يعنى محتاجه 2 كل يوم



دى مش هيحتاجها غير الحلوين اللى عندهم هالات سودا تقدرى تعالجيها يالكيوى بس ..اه والله 2 كيوى كل يوم
وبعد شهر هتلاحظى الفرق وبعد شهرين هتختفى

شوفتى بشرتك طيبه وقنوعه ازاى ؟

دى مش محتاجه منك اى حاجة تانى

يعنى مش محتاجه مرطب ؟ ايوة مش محتاجه

مش محتاجه سكراب ؟ اه مش محتاجه

مش محتاجه كريم ليل ونهار؟ مش محتاجه

طبعا انا عارفه كتير هيعترضوا بس انا هقولكو حاجة
علمهالى الدكتور بتاعى اللى بعتبره زى اخويا الكبير

قالى متحطيش اى حاجة على بشرتك الا لو كانت علاج

انا بشرتى دهنيه <<<< محتاجه جل يتحكم فى الدهون (علاج)
بشرتى جافه <<< محتاجه مرطب والافضل يكون طبى (علاج)
سنى فوق ال40<<< محتاجه كريم ليلى مجدد للخلايا (علاج)
بنزل فى الشمس<<< محتاجه صن بلوك(علاج)


لكن مبقاش انا بشرتى دهنيه وربنا مباركلى فى الترطيب واقول محتاجه مرطب!!
طيب يا حلوة مسامك هتتسد وتطلعى حبوب ووشك يدهنن ونرجع نعيط بئة
بئة بذمتك فيه مرطب احسن من الطبيعى اللى خلقه ربنا!!
مبقاش سنى 20 سنه وجايبه كريم ليلى دا على اساس ايه يعنى

انتى اعلى معدل لتجديد البشرة فى السن دا كريم الليل بتاعك هو انك تنامى من الساعه 10 لان التجديد بيبدأ من 10 لغاية الفجر تقريبا

مشتكيش من جفاف بشرتى وانا مش بشرب كوبايتين مايه على بعض!!! والله لو حطيتى اغلى مرطب ولا الهوا البشرة ميته من جوا عطشاااااانه
لاء اشربى مايه الاول وخودى احتياجك من فيتامين E زى ما قولتلك
هتلاقى مشكلة الجفاف اتحلت بنسبة 60 %

للاسف احنا بنضيع فلوسنا كتير اوى وبنجيب حاجات مش محتاجنها وبالعكس بتضرنا وعمرنا ما فكرنا نأكل الغلبانه بشرتنا

انا اسفه جدا على الموضوع الطوييييييييييل الممل دا معلش انا حبيت افيدكو ومبخلش عليكو بأى معلومه
يارب تكونوا استفدتو
واكيد لو استفدتى هتقيمى عشان غيرك يستفيد وعشان انا يهمنى رأيك

ــــــــــــــــــــــــ

البنات اللى سألونى على بدائل اكيد فيه وربنا خلق كل حاجة مفيده لينا ولازم ننوع

ممكن تستبدلى الكيوى ب 100 جرام بروكلى بدون ملح يوميا لو بتحبيه

او خيارتين متوسطين الحجم بقشرهم


ممكن تستبدلى البرتقال ب 100 جرام بروكلى بدون ملح يوميا هيديكى احتياجك من فيتامين K و C فى نفس الوقت وتكونى خلصتى

او تاكلى 3 طماطم متوسطه الحجم يوميا

او مقدار فنجان فراوله

نوعى عشان متزهقيش مرة برتقال مرة فراوله مرة بروكلى مرة طماطم بس متقليش عن المقدار اللى بقولك عليه