♥ ماسك تفتيح وتنعيم وشد وانعاش البشرة ♥ وكل مكوناته من البيت

من طرف **beso** السبت سبتمبر 01, 2012 7:12 pm

السلام عليكم
عاملين ايه يااحلى بنات فالمنتدى

طبعا كلنا عارفين ماسك التفتيح المشهور

اللى هو (( لبن + دقيق+ مية ورد )) وممكن استبدال الدقيق بالنشا

وطبعا الماسك ده ممتاز

بس انا كنت عايزة اعمل ماسك نتايجه تكون

تفتيح
+ترطيب
+ انتعاش
+شد البشرة

والحمدلله ربنا وفقى فالماسك ده وهو تكملة للماسك السابق حققت النتائج اللى عايزاها وانا شايفة انه مع الاستمرار عليه النتائج حتبقى دائمة مش فورية بس

والمفاجأة بقى غير النتايج السابقة وبدون مبالغة والله

وشى بيلمع زى البلاستيك ومشدود وناعم جدا وخدودى حمرا وده بعد 3 ساعات من الماسك انا اصلا مكنتش واخدة بالى الا لما ماما واختى قالولى حتى شوفوا انا عدلت التوبيك امتى

ومكوناته كلها فالبيت ومتوافرة فى اى وقت

♥ اولا الخطوات قبل الماسك ♥

الخطوات اللى بتعمليها قبل اى ماسك هى اساس صحته وانه ينجح ولالا تعالوا شوفوا خطواتى بقى

1/ غسل الوش كويس بالغسول وازالة اى اتربة او اثار ميك اب

2/ استعمال كريم صنفرة انا بستعمل اصالة وتدعكى بيه الوش لمدة دقيقتين

3/ تنشيف البشرةبالفوطة براحة خالص بالطبطبة مش نتعارك مع وشنا

4/ كمان مننساش اننا منستعملش اى مواد معدنية عشان بتتفاعل مع مكونات اى ماسك

5/ وبعد الماسك حطى كريم مرطب طبقة بسيطة

♥ الماسك بقى ♥

معلقة صغيرة لبن بودر + معلقة صغيرة دقيق + معلقة صغيرة مية ورد + 2 معلقة صغيرة زبادى + كبسولة فيتامين e

طبعا تقدرى تستغنى عن مكون من مكونات الماسك فى حال انه مش عندك بس فعلا النتيجة بتتحق بكل دول سوا

لان الدقيق واللبن بيفتحوا ويشدوا البشرة

والزبادى بينعم وترطب البشرة

والفيتامين بيغذى البشرة

ومية الورد بتغذى كمان وبتقفل المسام

♥ مدة الماسك ♥

من 20 ل 30 دقيقة لحد ماتلاقيه زى البلاستيك كده على وشك وافتحى الحنفية بللى صوابعك المية وادعكى وشك بحركات دائرية حتاخدى وقت شوية بس دى افضل طريقة

وبس اتمنى الماسك يعجبكم ويجيب نتيجة معاكم