قوانين قسم الفضفضة و التجارب يرجى الالتزااااام!!

من طرف **dr.rocka abu zeid** الأحد سبتمبر 02, 2012 11:24 am

السلام عليكم و رحمة الله و بركاته
ازيكوا يا احلى بنوتات
اهلا بيكو فى قسم الفضفضة و التجارب
اولا تعالو نتفق ايه هو الغرض من القسم بتاعنا
قسم الفضفضة و التجارب هو المكان اللى بتتجمع فيه العضوات عشان نفتح قلوبنا لبعض
و نفضفض و نتكلم مع بعض و نعرض تجاربنا الشخصية عشان نفيد بعض
و نتكلم فى مشاكلنا و نقول ارائنا لبعض و نحاول قد ما هيقدرنا ربنا سبحانه و تعالى
نساعد بعض و نوصل لحل لأى مشكلة ان شاء الله
احنا كلنا هنا اخوااااات و بنحب بعض فى الله
و يااااااريت كلنا نشااااااااارك بعض

دى بقى قوانين قسم الفضفضة و التجارب و ياا رييت كلنا نلتزم بيها عشان دائما نرقى بمنتدانا العزيز:-

1-يرجى الالتزام بالقواعد العامة و قوانين المنتدى و ده شىء اساسى

2-غير مسموح بفتح مواضيع فيها اهانة لأى عضوة او مشرفة

3-و طبعا مش مسموح فتح مواضيع فيها اى تلميح و لو بسيط لاهانة دين او دولة

4-مراعاة الاداب العامة و عدم التلفظ بأى الفاظ خارجة او جارحة بأى شكل حتى فى التعليقات و فى حال حدوث ذلك سيتم حظر العضوة

5-يمنع نهائيا وضع روابط لمواقع او منتديات او ارقام تليفونات او إيميلات

6-يرجى الالتزام بسياق الموضوع الذى فتح من اجله و الالتزام باداب الحوار بين العضوات الفاضلات

7 - يرجى عدم فتح مواضيع خاصة بشكوي سواء من الاداره او من عضوه
فـى قسم الفضفضة.. قسم الشكاوى هو الوسيلة الامثل للتواصل مع الاداره لحل مشكلتك

8-اذا كانت مشكلتك تحمل تفاصيل شخصية او تفاصيل محرجة يمكنك التواصل مع مشرفة القسم عبر الرسائل الخاصة و ان شاء الله تقدر تساعدك

9- غير مسموح بفتح موضوع للإعلان أو التنويه عن موضوع آخر .
او عمل مشاركة في موضوع اخر بغرض الاعلان عن موضوعك

10-و اخيرا ده رجاااااء منى بجد و طلب اخيييييير يااااا ريت نكون كلنا عيلة واحدة اخوات و متحابات فى الله نساعد بعض و نكون مع بعض ديما و زى ما وصانا ديننا الحنيف

قال اللَّه تعالى (المائدة 2): {وتعاونوا على البر والتقوى}

عن أبى موسى الاشعري ـ رضي الله عنه ـ قال: رسول

الله صلى الله عليه وسلم : ( المؤمن للمؤمن كالبنيان يشد بعضه بعضا وشبك بين أصابعه)

و قال الحبيب صلى الله عليه و سلم : ((أنه مَن أعان على معروف كمن قام به، مَن دلّ على خيرٍ كمن فعله))

احبكم فى الله

مع تحياتى
dr.roka abu zeid

من طرف **marwa** الأحد سبتمبر 02, 2012 12:14 pm

الله عليكي

هي دي القوانين ولابلاش

ثبيتي الموضوع ياقمر

قوانين قسم الفضفضة و التجارب يرجى الالتزااااام!!

قوانين قسم الفضفضة و التجارب يرجى الالتزااااام!!

رد: قوانين قسم الفضفضة و التجارب يرجى الالتزااااام!!